滙豐保險越戰越勇，上月底推出全新投資相連保險產品「財富投資保險計劃」，已成為獅子行保險其中一個icon嘅李錦榮（Bruno）「循例」講解新產品。
跳出香港管亞太區
每次接到Bruno嘅卡片，華華都有新發現，原來7月1日起，Bruno已升職為亞太區個人理財業務財富管理業務區域主管，負責本港及區內嘅存款、投資、保險業務，唔同嘅係佢由以前淨睇香港，家睇埋成個亞太區。今次已經係Bruno自去年12月後第二次升職。
其他個人理財業務嘅高層都有變動，例如曾經主打存款、按揭業務嘅施穎茵（Diana），就出任亞太區個人理財業務部客務策劃及拓展主管，另一高層GanneshBharadhwaj負責業務包括按揭同埋信用卡等。
講番個保險計劃，供款期分為5年期或10年期，每月供款至少375或者125美金，基金選擇42種。Bruno話，新產品賣得唔錯，佔新增保單三成。