港股上禮拜五跌穿10日線，跟住就連升兩日，幅度都唔細，但係前晚花旗股市下跌，港股又打回原形，勁跌638點收市。睇番早前大戶淨係托住滙豐控股（005）同中國移動（941）已經覺得唔多妥，如果花旗議息之後唔炒上去，港股下試20000應該冇走雞。
A股噚日跌得重，可能係借內地嘅經濟數據較差進行技術調整，睇個勢仲未跌完。
中海P輪17633：中國海外發展（688）昨收17.18元，跌3.4%。短線有機下試15.50元，若跌穿，將進一步下試13.60元，可以諗吓隻P輪17633。
隻輪現價25.5仙，2010年3月30日到期，行使價15元，溢價27.5%，引伸波幅70.1%，有效槓桿2倍，正股跌落13.60元，17633睇38.9仙，正股升破18.70元，就沽咗隻輪止蝕。
俊樺