【本報訊】父親酗酒喪命，遺下妻子及三子女。其後次子索K、啪丸，早前在內地的士高購入K仔返港，遭關員搜獲，昨承認藏毒罪。署任主任裁判官吳蕙芳厲聲斥責他「好揀唔揀，揀條死路」，並花近20分鐘對他諄諄善誘，最後准他保釋，等候感化官及驗尿報告判刑。記者：楊家樂
現年17歲被告李廣生，輟學後任職侍應，與母親及在學的兄妹同住，父親三年前去世。被告聲稱兩年前受同學唆擺，開始服用氯胺酮（K仔）及Fing頭丸。
由大陸購100元K仔返港
今年6月11日，他在內地的士高購下市值100元0.05克氯胺酮粉末，藏於褲袋，經落馬洲返港時遭海關截查揭發。
一臉稚氣的被告，昨於粉嶺裁判法院承認藏毒，指母親已知情，但因做兼職工作，未能到庭。裁判官質疑被告說謊：「你冇案底，今次係第一次上法庭，咁大件事，屋企人會唔嚟？」
裁判官得悉被告的父親酗酒致死，慨嘆被告現在濫藥，正是步其亡父後塵，「你好揀唔揀，揀條死路？」被告坦言憎恨父親酗酒，裁判官即說：「阿仔，你自己照吓鏡啦，你好得你阿爸幾多？」
「你以為控制到啲毒品咩」
被告自言濫藥因貪玩，裁判官訓斥說：「你玩得起咩？你以為你控制到啲毒品咩？你第日食到癲咗，人唔似人，冇人會可憐你！」寄語被告「你再係咁落去，遲早……唔係，係好快就會死。」
裁判官舉例指曾在庭上見過一名22歲濫藥少年，每隔20分鐘便需上廁所，「我以為電視廣告誇張㖭」；又指日前報道一名男子向母親索錢買毒品不遂，脫光衣服跳樓，「你以為佢睇唔開？佢有幻覺呀？」
裁判官謂政府斥資實行校園驗毒計劃，只因毒風太甚，「10年後成條街癲仔癲女，你都唔放心響街行啦」，希望被告能下定決心，遠離損友，尋求協助戒毒。遂將判刑押後至下月9日，被告須接受驗毒測試，確定他近期有否繼續濫藥。
案件編號：FLCC2355/09