亞視近日大幅度削減藝人嘅騷錢同工作量，受影響員工底薪低至6,000蚊。亞視之寶鮑起靜之前話幫同事請命，噚日佢接受商台節目電話訪問時喊住話：「亞視咁樣減薪，令藝員好唔舒服，我想問吓高層攞住呢份人工點樣生活，我唔反對減，減騷或者減少少錢，如果令到藝員心理嗰關過得去，減嘅時要畀番人少少尊嚴，畀條路佢行，顧吓人感受。唔好再巧立名目減薪，我覺得咁樣就好心酸。」