o靚模熱潮席捲全城，有人喜歡有人討厭，由於o靚模予人愛拋胸露肉的感覺，不少o靚模更備受抨擊，早前何超儀就曾在其網誌內大罵o靚模是「低俗的chicken（雞）」，陳子聰也婦唱夫隨力挺愛妻發表的不要o靚模言論，原本一心為愛妻解畫，可惜卻越說越亂，前晚更爆粗踢爆愛妻「唔鍾意死姣×」，令人嘩然！
近日o靚模熱爆娛樂圈，不少歌手拍攝MV時都愛搵年輕又敢露的o靚模做女主角，但向來走另類路線的廿四味前晚在柴灣為新歌《HuGe》拍攝MV時，卻棄用o靚模刻意改邀幾位較成熟的外籍模特兒擔任女主角。
「我鍾意老模」
成員之一的Brian為怕大家對新歌有誤解，特意先作一番解釋，他指新歌是一首甚具夏日色彩的快歌，大致內容是圍繞女人的大胸和大波罅作話題，滿足大家的視覺享受。
不過被問到是否不滿現時o靚模當道才創作此歌時，Brian即否認其事，他說：「佢哋仲係得12歲，未有波罅，我哋係絕對欣賞，唔會歧視。」黃泆潼男友阿肥在旁搭嘴兼大講爛gag說：「佢哋靚到冇人有，靚到冇朋友。」
再問為何不邀o靚模客串一角時，陳子聰頗大反應地說：「我唔要o靚模喺度，我鍾意老模，我都係老模，佢哋（指現場女模）sexy得嚟又唔cheap，sexy係一種讚美，唔會猥瑣。」言下之意似乎是暗指o靚模是cheap的sexy，不知他是否因愛妻何超儀早前曾狂轟o靚模是「雞」的言論，故刻意婦唱夫隨力挺愛妻。
「唔鍾意姣×」
陳子聰更為愛妻解畫，強調超儀「低俗的chicken」原意並不是指妓女，只是繙譯上的錯誤，護妻心切的他越說越亂，更衝口爆粗說：「佢唔係話人係雞，佢係唔鍾意死姣×……哎吔！死嘞！死嘞！呢個字唔可以出街㖭，你哋係唔係要寫女仔嘅下體器官？」陳子聰講o靚模時滔滔不絕，但被問到外父何鴻燊的病情時，即三緘其口。
此外，對於女友黃泆潼被拍得任外籍男士狂掃玉背，阿肥力撐女友說：「我唔會因為咁而介意同埋嬲，我哋各自都有男、女朋友，個男仔我都識，冇影響我哋感情。」
採訪、攝影：卓寶花
