每個球員心中都有一團爭勝嘅火，但呢團火控制得唔好就會闖禍。好似瑞士巴素利嘅隊長、28歲阿根廷門將干斯坦素咁，喺周日同蘇黎世打和1:1場波，完場即刻同隊友費拉迪理論；當時干斯坦素情緒好唔穩定，喺費拉迪雙手推咗佢一吓後，干斯坦素由「扯火」變「扯髮」，要蘇黎世球員調停，真係羞家！（想睇佢點失控，可上 http://www.youtube.com/watch?v=y2uYXAH1jow）我求大俠都好不齒干斯坦素嘅行為，雖則佢事後已公開道歉，但瑞士聯周一就宣佈要罰佢停賽，就算未知罰幾多場，我求大俠都認為罰係必須嘅。