效力荷甲升班馬芬洛嘅23歲日本球員本田圭佑繼上個禮拜日對住燕豪芬1個入球及1次助攻,搞到聲名大噪後,佢前日(周日)對住海牙又有好表現,證明自己絕對唔係淨係「撞彩」;更加勁嘅係佢今次仲係以「救世主」方式拯救球隊㖭!皆因主場嘅芬洛開波唔到30分鐘就落後兩球,好彩多得呢位腳頭甚重嘅「左腳仔」上下半場各入一粒,先至幫球隊攞番寶貴嘅1分。現時仲以3個入球同阿積士嘅蘇亞雷斯並列射手榜榜首,真係威威!