錢嘉樂近來事業得意，由他孭飛的電視劇《王老虎搶親》收視理想，人氣急升，不過愛情失意，與湯盈盈分手收場。前晚嘉樂相約一班演員到尖沙嘴飯敍兼一起收看《王》劇大結局，他坦認生日盈盈未有相陪，但卻否認分手，不過，同劇的胡定欣形容盈盈為嘉樂的前女友，暗示嘉樂已甩拖。
由錢嘉樂擔演的無綫劇集《王老虎搶親》自播出以來收視理想，外界口碑不錯，前晚播出大結局，收視平均31點（約197萬人收看），嘉樂相約一班演員到尖沙嘴飯敍兼一同收看大結局，但蘇玉華、黃淑儀及陳鍵鋒均因事缺席。
不願重提李珊珊
雖然嘉樂和湯盈盈分手，不過當晚他表現輕鬆，又拿着老虎公仔擺甫士，心情似乎未有受影響。上星期四是嘉樂44歲生日，問他分手一事時，嘉樂笑說：「生日送啲咁嘅嘢，總之一切冇變，我冇講過話分手。」有消息指他難忘舊愛李珊珊，嘉樂表示：「講番咁耐嘅嘢，都成兩年，咁樣騷擾到人，只會沒完沒了。」問到現在他和盈盈關係，嘉樂強調兩人是朋友。
至於生日當天盈盈有沒有出現，嘉樂直言：「當日冇出現，唔好搞佢哋，唔好提。」他透露當日和家人及來自日本和香港fans到珍寶海鮮舫食飯慶祝。問到《王》劇會否拍續集？嘉樂表示要由監製決定。
胡定欣介紹女仔
當晚胡定欣也有出席飯局，她透露日前去街時竟見到周潤發，胡定欣一面興奮地說：「發哥話有睇我哋套劇，另外佢又話有睇《舞動奇跡》，最可惜冇同佢影相。」
問到知不知嘉樂和盈盈分手一事，胡定欣表示有看報道，但卻不覺嘉樂有異樣。會否介紹女仔給嘉樂識？胡定欣說：「如果佢有需要一定會，佢以前啲女友咁好，我怕冇咁好介紹，佢戰績彪炳，反而想佢介紹男仔我識。」胡定欣以「前女友」形容盈盈，似乎認定嘉樂已與盈盈分手。
約凌晨時分吃完飯後，嘉樂拿着一個大紙袋單拖到附近流連，他行到金馬倫道的VCD店更入內買碟，接着又去附近的報攤買周刊，最後坐的士返回匡湖居休息。
採訪：藍文浩
攝影：陳慧安、黃文偉、李志明