謝安琪（Kay）和陳奕迅（Eason）的緋聞越傳越盛，忙於拍新戲的Kay直認受緋聞困擾，張繼聰昨日出席活動時表白自己和Kay互相心繫對方，強調兩人感情穩定打風都打唔甩，以實際行動闢謠。
謝安琪近日忙於拍攝邱禮濤執導的電影《死神傻了》，上周六她和農夫的C君及尹蓁晞（Yumi）於灣仔的超級市場拍攝，三位都是演戲新丁，未埋位時Kay和C君都落力背對白及對稿，不過當邱禮濤叫action時，Yumi竟然毫無反應，他見狀即時細心指導。
感謝好友支持
Kay近日和陳奕迅的緋聞越傳越盛，不過她依然盡力投入工作，當日她主動表示家人轉告不少好友問候她和張繼聰，Kay說：「好似軒仔（張敬軒），佢幫我講咗好多，好多謝佢，身邊好多朋友都支持我哋，其實件事對我真係造成困擾，侮辱人格，但係得到朋友啲短訊，雖然有啲係肉麻啲，但都幫我增強能量，令我平復心情。」Kay表示希望可以慢慢淡忘，專心工作。
拒信阿詩爆料
張繼聰昨天則在尖沙嘴出席護膚品牌的代言活動，他表示皮膚已大有改進。問到Kay有沒有讚他比前英俊，他說：「佢向來唔會讚我靚，通常都話我型。」對於最近Kay和Eason的緋聞，張繼聰會否刻意改變形象來挽回太太的心，他說：「唔使，佢個心一直喺我度，我個心一直鎖喺佢locker。」
日前張繼聰被雜誌冠以貶意之稱號，有指他會採取法律行動，他說：「律師做緊嘢，兜口兜面咁講梗係唔好，一直忍讓、EQ高唔代表好恰，係有底線。」有指何韻詩為撐容祖兒才爆出Eason和Kay的戀情，張繼聰說：「我唔信，我心中嘅阿詩係光明磊落，我相信朋友，亦用心去對朋友。」
採訪、攝影：王連連