社會福利署長余志穩仲有幾日就退休，無論官場內外都好多人為佢冇得升D6唔抵，有高官話林鄭月娥係關鍵人物，最主要嘅事則係種族歧視條例。余志穩喺社署之前係民政事務局副秘書長，秘書長係煲呔講明好打得嘅林鄭。余志穩用盡心機寫嘅種族歧視條例檢討建議文件，林鄭一攞上手，即狂揪不突止，仲索性自己由頭寫過。當年林去民政局，講明要大肆整頓，佢對住所有人都係咁抦，余志穩亦唔例外。
民政局內其他官員都形容嗰段係最黑暗日子，十八個區嘅專員每個星期都要返總部聚吓，交流地區事務，但林鄭將個交流會變成批鬥會，佢會將啲地區事件攞出嚟講，然後由頭媽叉到尾，搞到個個人頭耷耷咁離開。