昨日大市勁升，成交不足714億元，用近期成交趨勢及傳統智慧去判斷，似乎唔值得太高興，不過，港股挾升554點，收報20929，係去年9月初以來收市新高，散戶心情就十分高興，點都要買些少股票揸吓先至安樂，免得大牛市之下分享唔到升市快樂。
香港交易所（388）升2.8%，以146.40元收市。該股市盈率去到成30倍，唔知大家點睇？內銀股突然發力，散戶低位撈到貨梗係開心，但冇貨在手亦唔使愁，因為近期市況好波動，睇勢應該未調整完，買貨可稍等。
儀征化纖（1033）7月初發盈喜，預計截至09年6月30日止半年將由虧為盈，而且第二季純利較首季更好。儀征股價由當時1.60元水平緩步上升，本月初升勢轉急，上周四股價創下52周高位2.36元，惟高位有回吐。
短炒目標2.4元
昨逆市微跌0.01元，收報2.09元。同系上海石化（338）表現就較佳，升3%，報3.77元。所謂同氣連枝，儀征現價買入，博上石化帶動及回氣再升，短炒目標2.40元，以1.90元止蝕。
方星俠