本欄用「必殺技」，只想鼓勵波友當機會來臨時，注碼可適時酌量加注，否則冚旗早啲瞓；好似今個禮拜起絕大部份嘅周中賽事，勸大家還是唞唞，迎接周末英超大戰來臨。
馬會內部專家曾經透露過，我個人認為水準只達英甲水平左右嘅澳職好多人賭，注碼媲美4大聯賽；而這個聯賽剛在開鑼首周秩序，小弟因工作關係，全部有機會睇晒5場直播，最強感覺係各隊守力甚弱，出現不少「低能」失誤；加上可能澳洲正值冬季，天氣凉快，場地靚球賽運行尚算快速爽朗，水準不高但入球偏多，無怪乎多人賭。
周中波忍手迎接英超
自己則仍採觀望態度，絕不像球彩台主持話，睇完第一周，就好專家口脗講邊隊強邊隊弱；始終累積大量數據在下注聯賽策略是非常重要，一開波，冇必要太興奮「樁」個頭埋去。
言歸正傳，周中開30幾場英聯盃，加埋表面戲碼好強嘅大量國際賽及世盃外圍賽，我個人絕少沾手；要賭還對周一巴甲特別場國體會對利斯菲體育會較有信心，前者近季主場成績一向卓越，面對上仗1:5敗走富明尼斯嘅包尾利斯菲，1.42倍應該穩執；但我會推介「讓球主客和」「和局」贏1球，好分好多；周中波，小弟唔識賭，還是小休數天，周五見報再同大家講吓萬眾期待嘅英超攻略。
（下次見報日：周五）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期一6國際體育會和[-1]（3.6）
星期一6國際體育會勝1:0（7）、2:1（8）
簡評：國體會主場一向十拿九穩，但今戰單W值博率不高；博冷要買「讓球主客和」「和局」