早前宣佈結婚的關心妍昨日到尖沙嘴出席記者會，好事近的Jade全程笑容滿面。同場首播她為即將舉行的佈道會創作的主題曲MV，這個佈道會將為正生書院籌款。
關心妍（Jade）昨日和林以諾牧師、正生書院校長陳兆焯和一班同學，到尖沙嘴出席「ShiningasStar妍亮生命音樂佈道會」記者會。佈道會為早前因遷校而惹起激烈討論的正生書院籌募經費，Jade更特別為佈道會創作主題曲《世代之初》。
昨日記者會上除首播MV外，Jade的婚事也成焦點，她即場派發餅卡，實行與大家分享喜悅：「本來為咗個佈道會，打算押後婚禮，但雙方家長都想我快啲嫁，好多謝老公體諒我，因為今次好有意義。」
唱歌變興趣
Jade提到婚後不急於造人：「希望過多一、兩年二人世界，因為拍拖同埋同老公相處都唔係好長時間。」問到與唱片公司的安排時，Jade說：「冇諗呢啲喇，有唱片公司搵我，但未決定，老公梗係唔希望我繼續啦，佢覺得當興趣OK最緊要開心。」
提到有指Jade豪花百萬搞婚禮，她說：「實數我唔清楚，家最煩係安排我同老公各50個賓客去峇里嘅機位。」她又提到母親與未婚夫將禮金數目保密，她說：「佢兩個私下傾掂咗。嫁妝就想媽咪買珠鏈畀我配襯婚紗，因為我唔係咁鍾意珠寶。」
採訪：藍文浩
攝影：陳慧安
