志雲大師頻被年輕網民狙擊，日前喺港台節目講番喺公聽會被狂質，內心有冇發火時，佢話只有少少失望，但就暗寸話同年輕人傾偈，發覺佢哋好易發脾氣。志雲大師認為易發脾氣嘅人其實唔健康，可能會生cancer喎。
主持節目嘅李燦榮係無綫當年逼走嘅前新聞主播，搵嚟近期係咁畀網民質、但EQ相當高嘅惹火傳媒高層，聽都聽得出節目有唔少火花。例如李燦榮突然出招問志雲大師點睇婚姻，志雲大師話自己「冇資格講呢樣嘢」，因為自己從未談過戀愛，只肯講：「如果你（李燦榮）對我有興趣，我好願意為你剖白多啲」，之後志雲大師封口唔講有乜嘢弦外之音。全個節目中只肯承認，過去有人搵過佢做港台台長，但未有成事。