港股是否短線見頂，相信散戶十分關心。大市睇唔通，係散戶唔敢輕舉妄動之原因，現時市場資金仍充裕，暫時唔見資金大舉流出香港，個市近日跌勢轉急，未知資金會否見個市跌到咁上下就重新入市？
因為睇唔通，所以唔少散戶雖然人在股海，心情卻極為忐忑。唔少散戶手上持貨賬面仍然贏緊錢，但近日盈利就明顯縮水，若然個市只係短暫調整，等多一陣就有機會賺番突，現時沽咗會好唔抵。另方面，如果大市繼續調整，隨時由贏變輸，就更加激氣。星俠唔敢亂畀意見，但就記得炒股嘅目的係保本增值。
50日線支持較強
中油香港（135）上周五跟隨大市下跌3.5%，收報7.55元，股價失守10日線，估計後市尚未跌完，20日線7.38元未必守得住，較強防守力應在50日線（現處6.56元）水平，到時伺機買貨。
自今年2月開始，中油股價穩步上揚，其實已累積不小升幅，背後原因除母公司增持外，亦屢傳將獲母公司注入石油天然氣項目。
方星俠