港股上禮拜反覆跌穿10日線，大戶托住兩隻重磅股沽貨好明顯，而且走勢好陰濕，禮拜五花旗股市造好，今朝恒指可能有反彈，不過可唔可以升到尾就好難講。
港股由高位回落，主要受A股影響，如果A股繼續顯著下跌，港股今日高開後會好快跌返轉頭，相反，如果A股造好，港股應該可以靠穩。
思捷C輪14879：思捷（330）上周五報收54.70元，跌3.6%。股價下試20日線有支持，反彈會試56.70元，如果破關睇62元，可以諗吓隻C輪14879。
隻輪現價7.1仙，2010年6月29日到期，行使價65.08元，溢價31.9%，引伸波幅54.4%，有效槓桿3.4倍，正股升上62元，14879睇10.8仙，正股跌穿51.50元，就沽咗隻輪止蝕。
俊樺