杜琪峯日前批評不少香港演員扮大牌難服侍，火頭甚至辣到劉德華。前晚另一導演爾冬陞出席新戲慶功時被問到此事，他也感同身受大發牢騷，直指不少藝人擺款，爾冬陞更直斥曾想約某位演員傾談合作，但約足4次對方皆甩底，雖然他未有指名道姓，不過據知他所指的正是鄭秀文（Sammi）。
爾冬陞監製、麥兆輝及莊文強執導的新戲《竊聽風雲》上映短短時間，但內地票房已達7,500萬，至於香港截至本月6日則收800萬，成績理想，故此電影公司前晚在尖沙嘴某酒樓舉行慶功宴，一班演員包括劉青雲、古天樂、陳偉霆以及爾冬陞皆有出席，而吳彥祖則姍姍來遲，電影公司亦宣佈《竊》片成為第3屆首爾鍾武路國際電影節的競賽電影之一。
問到爾冬陞是否有意開拍續集？他表示一切由電影公司和導演決定，是否找劉德華和甄子丹演出，爾冬陞笑說：「你又信？搵《十月圍城》班底，總之一切未定。」
「點解要受呢啲氣」
提到杜琪峯批評有港星扮大牌難服侍，連一向出名好人的華仔亦被捲入其中，爾冬陞表示亦有留意報道，他說：「我有睇，真正天皇巨星未必會，唔係個個係咁，好快沒落嘅隕石就會。有時唔怪得晒演員，可能係經理人。」
有沒有遇過難相處的演員，爾冬陞坦承說有，接着他踢爆當年曾想搵一個演員拍戲，爾冬陞說：「但係我約咗呢位演員見面4次，但係一直都見唔到，呢個人都幾紅，但係到家大家都冇見過面，呢啲情況我都試過兩次，最後梗係放棄，見唔到面點合作。」記者追問該位演員是否已如隕石一閃即逝？爾冬陞直言：「佢家都仲有少少星光，但我都唔敢再搵佢，我好似阿杜咁做咗十幾年，點解要受呢啲氣，叫阿杜唔使再搵，唔使討好。」雖然爾冬陞未有指名道姓，但據知此人正是Sammi。
青雲古仔呻開工苦
而近日忙拍《撲克王》的青雲和古仔坦言很辛苦，其中青雲說：「因為要喺賭場拍，所以要凌晨3、4點先開工，朝早又要拍，好辛苦。」至於《竊》片傳開續集，他笑稱戲中其他人都死清光，他一個人未夠號召力。
至於古仔則表示最怕睡眠不足，因為會降低抵抗力易病，他笑言次次和青雲合作都很「甘」，另外爾冬陞叫古仔拍《鎗王之王》出錢裝冷氣，古仔表示沒有所謂，最緊要大家不要中暑病倒。
採訪：藍文浩
攝影：黃偉雄
