駐港解放軍唔係話會嚴守香港法律o架咩？因乜事有架ZG牌嘅吉普車，喺高速公路快線慢駛遊行嘅？又為乜架車烏卒卒連車窗都搽黑晒唔見得光嘅？嗱！八方勢孤力弱唔敢同偉大祖國威武之師抬槓，只係有網友表達咗上述疑慮，轉載出嚟同大家參詳吓啫。
香港討論區有位網友，自稱前日喺某條高速公路揸住架巴士沿慢線行駛，車速70幾公里，點知見到快線有架解放軍車仲慢過佢。網友話嗰條路限速100公里，人民子弟兵架車嘅司機見慢線嘅車仲快過佢，先踩油行番快啲。
中、港情況有別，可能係威武之師揸慣左軚，入咗快線當慢線，有心水清網民睇到架軍車車窗黑麻麻，質疑係未經批准亂貼深色隔熱膜，呢類case運輸署年終都檢控唔少。不過就算有人向佢哋舉報，睇怕特區政府都唔會戇直到向駐港解放軍發告票。呢啲嘢，咪當係笑料開心吓算囉。