【本報訊】「阿媽死咗……死咗呀！阿媽俾阿爸斬死咗呀！」慘遭丈夫亂刀斬死的蘇婦，她的兒子昨日接到警方通知立即飛奔回家，驚悉家中遽變後一時驚惶失措，攬着姨母放聲痛哭：「點算呀，阿姨，我點算呀？」
死者姊妹嚎哭
疑兇與死者育有三子女，其中做運輸的幼子阿文與兩老同住。昨清晨5時許，他如常外出上班，不料幾小時後家中即發生慘劇。他接獲警方通知後立即趕回家，衝過警方攔在走廊的封鎖線直奔入屋，正在屋內調查的警員將他攔阻，並即時安排他辨認母親的屍體，事後將他帶到後樓梯穩定情緒。
蘇婦的姊妹隨後也相繼趕至，各人驚聞噩耗後均哭成淚人。蘇婦兒子阿文在梯間哭着致電另一名阿姨說：「我係文仔呀！阿媽死咗……死咗呀！阿媽俾阿爸斬死咗呀！」蘇婦一名在場的妹妹更呼天嚎哭：「畀番個家姐我呀！點解會咁o架？我哋得幾姊妹，點解會咁o架……斬死我家姐，點解會咁衰？點解同佢住，佢黐線嘅，我家姐好好人o架！」另一妹妹也說：「我驚遲早發生事，叫佢（蘇婦）搬出去o架啦！」
此外，社會福利署發言人稱，肇事家庭在案發前並無求助紀錄，將軍澳家庭服務中心正與警方跟進事件，已了解有關家庭的福利需要，並提供支援。