暑假多留意了日乙，這個聯賽強弱懸殊得幾明顯，打3循環，要各隊踢51場聯賽，路遙知馬力，在爭升班路上更不易出冷；所以小弟長期瞄準櫻花、比馬同綠茵等名牌玩獅子撲兔，今日小弟要捧近期氣勢回落、由射手大黑將志領軍嘅東京綠茵氣走札幌岡薩多，1.9倍W值博率高！
巴甲主場勝率特高，可能地理環境有影響；但日乙主場勝率低至不足4成，比巴甲少10個巴仙，我認為因魚腩多，好似由大學生組成嘅櫪木SC包尾，近14戰不勝兼只入7球；尾2嘅FC橫濱有42歲嘅三浦知良同今年初想嚟香港踢和富大埔嘅南韓仔鄭容臺，你話呢啲球隊幾騎呢！
射手大黑將志超班
前列隊就唔同，櫻花有雙響炮香川真司及乾貴士，東京綠茵則單天保至尊，擁超級射手，曾效大阪飛腳、法國格勒諾布爾同意大利拖連奴嘅當打箭頭大黑將志，現時要淪落踢日乙。球隊近期氣勢稍回落，暫居第7，暫以20球排射手榜首位的大黑將志要爭氣；對手岡薩多近績好咗排第10，但細心睇，近3戰有主場炒綠雉及黃蜂屬水皮對手，但上次作客即現形，吞櫻花3蛋，變成綠茵今天主W有分頭，情況一如上周中湘南比馬，結果退熱到1.9倍主W，咪又開到咯！
（下次見報日：周一）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日3東京綠茵勝（1.9）
星期日3東京綠茵勝2:0（8.5）、3:1（15）
簡評：日乙強弱懸殊，圍住幾支強隊長期跟進，會有不錯收穫