日本女星酒井法子在日本涉嫌藏毒被通緝，昨晚自首，曾與她合唱的孫耀威，昨日出席活動時力撐酒井法子應不會做這種事，目前最重要是她的人身安全，希望所有事皆屬揣測，不過聽到近日的新聞他都感心痛，昨日起程到台灣的孫耀威，更有意透過台灣的同事向酒井送上祝福。
孫耀威昨日與官恩娜、樂隊Mr.和羽翹等人出席新城電台在元朗舉行的《童心愛活力之童樂運動日》，孫耀威曾跟酒井法子合唱及同屬一唱片公司，問他會否因酒井涉嫌藏毒而感可惜時，他說：「呢件事我唔想講咁多，我好多時都為呢件事回應，搞到我唔知點好，我個心仲好唔安樂。不過我睇完啲報道話家只係懷疑，即係未證實，我只係希望一切都係揣測。」不過酒井昨晚已在日本自首。
「點會咁儍」
老孫續說：「印象中酒井係唔會咁做，點會咁儍呀，佢都係一個媽媽，家第一件事梗係希望佢人身安全，都會幫佢祈禱。」會否聯絡酒井的身邊人了解時，他說：「佢公司嘅社長都話搵唔到佢，不過我今日會去台灣，或者去到搵台灣啲同事幫我傳訊息祝福問候佢。」
提到有消息指老孫與陳美詩（Macy）同居，他說：「我唔想講太多關於緋聞，唯一要澄清嗰日只係約埋朋友返屋企開查經班，唔係好似報道話係同居。平時我屋企全日都會拉埋窗簾，估唔到拉開一個鐘頭就俾人影，我都懷疑唔知係咪有人爆料，不過我唔會懷疑啲朋友，但單料真係好似夾咁準，我唔介意有人寫，只係唔想屋企地址曝光，好似冇晒私隱。」至於跟Macy有否機會發展，他則表示不想講大話而不回應，交由上天安排。
官恩娜未諗結婚
此外，剛在美國休息回來的官恩娜，甜絲絲地笑說：「我公司同事初初以為我同男友一齊旅行，仲好擔心我返嚟會同佢哋講已經閃電結咗婚，但我覺得未到呢個階段，所以冇諗過呢個問題。」
採訪：何慧斯 攝影：陳俊強