受電視劇薰陶，以為大狀都愛蒲老蘭happyhour，到高級酒店鋸牛扒。看不出身兼大律師及立法會議員的陳淑莊外形纖瘦，原來相當饞嘴，得閒相約飯腳何利利去北角街市尋美食，這天更為一煲爵士湯而封金口。
記者：黃家欣
攝影：陳陶鈞、梁細權、周旭文
啱Key食伴侶
商台今年五十周年台慶，特別找來楊振耀與何利利主持飲食節目《美食殿堂》，用純聽覺帶領聽眾遊走味蕾世界，楊振耀一向愛吃，原來還是頭一次做電台飲食節目，「我們當然想用把口講到人流口水，希望藉着嘉賓的飲食經驗，引起大家共鳴。」於是何利利想起她的啱key「食伴侶」陳淑莊（Tanya），原來兩人最愛到北角街市東寶豪情隊啤，今次請Tanya到西苑來一次報紙版《美食殿堂》，一講起食，三人即眉飛色舞，楊振耀與Tanya講酒講到興起，竟突然跑出去買兩支紅酒回來，邊做訪問邊碰杯，更大嘆「酒逢知己千杯少！」嬌小女子在政壇也份外豪情！
飲完個樣即刻潤晒
面對西苑大廚張師傅準備好的美食，Tanya更是顯得「張牙舞爪」，頻頻催促攝影師快點拍畢相片，好讓她大快朵頤，尤其是一煲足料爵士湯，直叫眾人不能自拔，Tanya︰「平時來這裏開會，一上爵士湯，所有同事都會靜下來，低頭喝湯，飲完個樣即刻潤晒﹗」何利利大讚正之餘，一碗不夠更要求添飲，「偶然自己一個人晚飯，我就會買個湯回家慢慢嘆。」爵士湯用料十足，有花膠、螺頭、沙參等，食譜來自當年鄧肇堅爵士親自拿材料到酒家烹調，後來廚師將湯水發揚光大，成為西苑招牌菜之一，湯底清甜潤喉，花膠斤両十足，食到Tanya連嘴都膠住。
馳名爵士湯$298/煲
用料豐富︰花膠、螺頭、沙參、玉竹、蜜瓜等，絕不落味精，味道香濃，清甜潤肺，食譜原出自鄧肇堅爵士，因而得名。張師傅指西苑的經典菜式，做法也隨時代改良，如爵士湯以往將所有材料一併倒入煲，現在則逐一放食材，令花膠不會因煮得太久而溶化。
三人飯局四靚餸
西苑大哥叉燒$68/碟
大哥叉燒，原來是成龍大哥愛食的叉燒，專挑新鮮脢頭肉中心部份，醃料中加入雞蛋，使肉鬆軟，再以猛火燒45分鐘，令叉燒外脆內軟。
粉絲膏蟹煲$198/例牌
粉絲乾身爽滑，盡收膏蟹的精華，帶鮮味鹹香。
頭抽瓦罉豉油雞$150/半隻
雞肉嫩滑，豉油煮得入味之餘，鹹味剛好，不會搶去雞肉鮮味。
雪映杏汁包$30三件
一咬下，杏汁即一湧而出，香氣四溢，口感超滑，Tanya說不少不愛吃甜點的男性朋友，都食上癮。
即炒!超幼新竹米粉
除了齊齊食，何利利與楊振耀還親自落場炮製一道堂弄鮮蟹肉桂花米粉，來招呼Tanya。
堂弄鮮蟹肉桂花炒米粉$198/鍋
即場炒起的米粉，新鮮熱辣，聞到一陣蛋香，最後加上雲腿絲吊味。
西苑(28822110)
銅鑼灣恩平道28號利園2期1樓101-102室
陳淑莊 推介壽司吧
今期最靚鮑魚仔
Tanya每星期有三、四晚都食日本菜，最愛坐壽司吧，笑言坐不到壽司吧寧願不吃，因為食壽司最緊要跟師傅有交流，像Tanya來到有不少名人熟客的六角，就全交由經理Suki和磊師傅發辦，Tanya︰「Suki會很細心安排，根據魚生的濃淡味不同逐一上菜，連醬油亦會打點妥當，所以食得很放心，而且魚生很新鮮，我很愛吃六角的深海池魚。」餐廳選用日本各地新鮮空運的食材，不時不食，今期最靚的有鮑魚仔，師傅以秘製調味醬汁煮上一個多小時，令鮑魚入味之餘，質感保持。
前至後：荔枝酒$45、梅酒$55、
士多啤梨酒$45
自家製作的果酒，帶馥郁鮮果香，味道偏甜易入口。
燒一夜干竹籤魚$85/條
一夜干是日式傳統製魚方法，先用醬料把魚浸透，後風乾一夜，再燒香，香味濃郁四溢，肉質結實而juicy。
煮鮑魚仔$168
加入秘製調味醬汁，慢火煮一小時，令鮑魚入味，同時保留質感爽滑，非常彈牙。
前：秋刀魚壽司$35/件
後：燒拖羅壽司$68/件
將秋刀魚皮輕輕一燒，辟走腥味，味帶焦香；燒拖羅選用魚骱位，一燒纖維即溶，油份充足。
六角（28668166）
灣仔光明街6號
何利利推介意菜
彈牙墨魚仔Risotto
愛意大利菜的何利利，曾到Aspasia用膳，餐廳由來自威尼斯的總廚StefanoPoli主理，以最正宗意大利烹調法炮製菜式，採用意大利食材如水瓜花、鴨腿、南瓜、龍蝦及芝士等，將水鄉風味呈現舌頭之上。總廚掌握火候功力深厚，無論煎、炒、煮、炸均難不倒他，一味天婦羅炸意大利水瓜花，極薄一層炸漿香脆鬆化，內裏的意大利水瓜花及龍蝦，熱度十足，依然相當Juicy。（威尼斯人菜單每位$788，包括：頭盤、兩道主菜、甜品及飲品）
主菜墨魚仔大蝦意大利飯
選用貴價Carnaroli意大利飯，口感煙韌，糊度適中，配鮮甜彈牙的大蝦，海鮮味十足。
頭盤意大利水瓜花天婦羅釀芝士龍蝦
將龍蝦及芝士釀入意大利水瓜花，外層炸得香脆，內裏鮮味，香氣四溢。
Aspasia（37638800）
尖沙嘴金巴利道39號帝樂文娜公館1樓
楊振耀推介火鍋
啖啖黑背鱔角
楊振耀嗜打邊爐，尤其謙記的切角白鱔最得佢心，「將鱔去骨，切到一條條薯條般的形狀，食落啖啖肉，肉質都特別鮮甜。」除切角方法令鱔肉爽滑彈牙，老闆Andy亦指定要用肉質有保證的黑背鱔，因為背脊越黑，肉就越鮮甜。火鍋用料都經精心挑選，好像山東肥牛頸脊，因為北方天氣寒冷，牛的脂肪較厚，而牛頸脊部位脂肪積聚，油份充足，肉味極濃，肉質嫩滑，真係無介紹錯！
白鱔（切角）$68/碟
鱔肉條比鱔片易食，啖啖肉，肉質超爽彈牙，鮮甜嫩滑。
山東肥牛頸脊$138/例牌
牛頸脊肉味超濃郁，油份足，夠滑溜。
謙記火鍋（28386116）
銅鑼灣謝斐道408-412號華斐商業大廈1及2字樓