早排球季未開，夜晚有時間煲吓日劇，睇完《BOSS》及《太陽與海的教室》後，家就追緊《BuzzerBeat》。《BuzzerBeat》係以籃球為背景嘅愛情劇，都算特別。劇中飾演小提琴手嘅北川景子，係我近排好喜歡嘅女演員，之前睇過佢做儍大姐同老師，可塑性真係幾高。
新球季終於返嚟，今季德甲大執位，好多隊都簽入咗有質素嘅球員。愛隊拜仁換咗教練，人腳亦唔同咗好多。上季佢哋防守唔掂，搞到前面入多多都唔夠後面輸，今季簽入金毛仔泰摩斯卓克，希望由佢同雲邦美組成嘅雙防中可以成為拜仁賣點啦。拜仁周六作客賀芬咸，賀芬咸上季好神奇，但呢啲情況通常得一季，就要客W。
大蛙手
近5場往績：/
主客和：拜仁慕尼黑勝
心得：賀芬咸神奇不再