上屆盟主
隨住新球季開鑼，煥然一新嘅〈開倉版〉又同大家見面，由於我喺上季做過最多次榜首，所以成個8月都會由我掛頭牌。家正值季初，球員通常未上力，加上新兵亦未必完全同隊友取得默契，所以都係小注為妙，而我今期嘅推介，就係今夏圖強兼大換血嘅法甲勁旅里昂，可以喺開鑼戰食「芒」果，作客擊敗實力麻麻嘅勒芒。
新貴前鋒大有來頭
前法甲冠軍里昂一對前鋒由賓施馬同卡達基達，換上利辛度盧比斯同埋巴菲迪比高美斯，中後場又補入里爾嘅米高巴斯圖斯同埋阿里施蘇高，人腳變動真係好大，加上季前熱身賽表現麻麻，所以連法甲名家兼戰友牽牛都叫我季初睇定啲，唔好買里昂住。
勒芒積弱主力他投
不過，正因為里昂喺友賽表現差，令球員明白喺揭幕戰要打醒十二分精神，而且翻查數據，里昂近5季首場聯賽全勝，近10季中更有4季，新加盟嘅前鋒可以喺聯賽揭幕戰開齋，所以我始終投里昂信心一票，大啖大啖食「芒」果。
再者，里昂嘅對手勒芒只係屬於中下游球隊，近6次迎戰里昂輸4次，而且今夏又有多名球員離隊，其中科特迪瓦前鋒謝雲奴離隊投里爾影響最大，加上又冇補入任何星級球員，今屆相信前途黯淡，就算對里昂有主場之利，都難高估。
其餘心水，就係阿積士對華域克[-2]開「主勝」，西布朗讓紐卡素平/半開上盤，同埋西雅圖海灣者作客皇家鹽湖城可勝；詳情可以睇我嘅荷甲、英冠同美職推介。反而我想講吓點解會揀奧特格寧蘭可以喺挪超盃8強挫白蘭恩，一來奧特格寧蘭主場特勁，加上白蘭恩今屆表現又跌watt，奧隊單W可捧！
吾中
近5場往績：/