向佐早前與傳緋聞多時的2R成員黃婉佩（Race），手拖手出席其父向華強的澳門酒店開幕禮，正式承認戀人關係。前晚Race行catwalk，向佐更送上驚喜到場獻花兼獻吻，得Race笑逐顏開，不過二人其後到中環拍拖開餐時，竟有兩名保鑣全程護航，過往他們拍拖都是二人世界，前晚卻忽然加強保安。
黃婉佩前晚為中環蘭桂坊酒店3周年派對行catwalk，擔任壓軸表演嘉賓的她，獲男友向佐送上驚喜，上台獻花又獻吻，勁冧的Race笑至見牙唔見眼。完騷後，向佐再帶女友Race到中環奧卑利街的TheFlyingPan開餐，坐在餐廳最入位置，向來愛享受二人世界的他們，前晚竟有兩名保鑣同行。
表現緊張四處
向佐和Race撐枱腳期間，兩名分別穿黑、白上衣的保鑣，齊齊坐在他們的隔籬枱，但兩名保鑣只是陪太子讀書，未有進食，而且警覺性甚高地不時四處到實。沒多久，保鑣發現門外有記者拍照，即大為緊張地走到門外了解，並以身體擋住記者視線，甚至由街頭行到街尾跟實記者，由於過往向佐與Race拍拖，記者從未見過有保鑣隨行，前晚二人卻忽然有兩名保鑣跟身。
Race與向佐食飽後，於晚上約10時半離開，Race先登上一輛白色七人車，邊行邊講電話的向佐則在兩保鑣陪同下步出食肆，他向Race道別後再在保鑣陪同下登上另一輛Audi旅行車離去。
嫌肖像攬枕鹹濕
此外，前晚向佐在派對上接受訪問時，被問到可有看過女友的寫真？他笑說：「睇咗，可以搵靚啲嘅紙幫佢翻印。」他認為女友在寫真中的性感度已是極限，又大讚女友身材好，記者笑指Race上圍不及o靚模突出時，他笑道：「咁大做乜？揀女友係睇人品同外形，對佢嚟講好OKo架啦。」父母有否催婚？他說：「遲啲先，我得25歲，Race都冇催婚，佢都想我事業有成，好過係屋企有啦。」
至於冧爆的Race則說：「好驚喜，佢（向佐）畀好多驚喜我，好似今晚咁。」對於男友讚她身形OK，她笑道：「佢OK我OK。」向佐一聽到女性有D、E或FCup即時皺眉，Race也認為不需要太大，笑指身形最緊要合比例，否則出街時容易仆親。問她會否送自己的肖像攬枕給男友時，她說：「唔會，好鹹濕，佢話好似吹氣公仔。」
採訪：梁錦雯、朱志聰
攝影：葉君海、黃文偉