上屆燈神
香港電影業衰落，特別係港產片，一套《變形金剛》續集票房，都多過同期幾套港產片總和；講真以往唔少粗製濫造嘅港產片打擊影迷信心，家香港人唔係唔睇港產片，而係好揀擇啫。
好似小弟周四去睇《竊聽風雲》，平日下午場都有8成滿，票房應該理想；結果呢套小弟今年第一次入場欣賞嘅港產片，並冇令我失望，《無間道》加《旺角黑夜》班底，拍出人生嘅無奈及孤寂，較為失望係吳彥祖，始終角色性格唔夠突出，被劉青雲同古天樂搶晒戲，甚至連方中信都搶過佢。
上季雖然做過吓盟主，不過成日包尾，新球季做住燈神先；《竊聽風雲》有3大型男主角，今季法甲相信亦由3大強隊波爾多、馬賽同里昂爭標，講季初擴軍，波爾多不及其餘兩大熱門積極，但勝在基本陣容冇大變，冇季初病影響，周日主場開鑼戰可望大勝，如果唔信小弟，就捧升班馬朗斯，最緊要幫大家贏錢。
牽牛
近5場往績：/
讓球主客和：波爾多勝[-1]
心得：波爾多默契佳