賭波最多人犯上的毛病係直播波賭大啲，其實開得直播，戲碼都應該有番咁上下（但日聯例外，因要分餅仔，所以戲碼強未必有得睇，等成個禮拜，上周竟播中下游戰水手對不死鳥），有時約埋三五知己睇波玩小注，也是不錯的娛樂，但要下重注出擊，實唔到我落叠。暑期賭得最多係早上嘅巴甲同下午嘅日聯日乙，今周冇日本波，惟有攻巴甲，今日博保地花高單W。
巴甲主場勝率特高
今個暑期，賭友不會對巴瑞挪日聯日乙陌生，馬會德政，搵咗當地嘅名家寫專欄放上網頁，就算貼士不會怎樣出色，但參考意義極大；附詳盡軍情同對當地球圈有較深入了解，已值尊重，仲譯埋中文畀你睇，咁都唔願去望望，同打電話問股票冧巴走短線沒有兩樣。
巴甲好賭，一來主隊是各主要二線波勝率最高（49.7%)，入球多（入球大佔56.89%），啱我博大波膽，今次捧保地花高迎不擅作客的帕拉尼恩斯，前者上周中敗走近期重踏升軌的強豪聖保羅敗不足辱，今戰更有射手安達利馬停賽復出（之前3戰入3球）；反而帕軍上仗爆大冷贏高士路，偷雞成功，但3天後又要作客，冇得再爆咯，巴甲冇得睇，瞓醒收錢，一樣咁爽！
Leung
（下次見報日：周日）
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六49保地花高勝（1.55）
星期六49保地花高勝3:1（11），4:1（22）
簡評：巴甲跟咗成個暑假，就算冇直播，單靠累積足夠數據同軍情，已夠信心供波友參考