一個當年拎小皮篋隨雙親來港嘅潮州o靚妹，憑寫真、電影、廣告，整多個攬枕，半年勁賺400萬，搞到會展人慾橫流、眾電車男口水直流；一個喺城寨50呎板間房長大嘅潮州中坑，由台灣回流香港製作「亂噏」節目，即為積弱嘅二奶台爭一口氣，兩個我來自潮州嘅出位故事，兌現出位、成功，何須問出處。
摩連奴當然唔係潮州人，但具備潮州人勇字當頭、敢言作風，而近日佢化身「潮州怒漢」，先插車路士小器阻佢買迪高、卡維奴；去到北京，面對國內扮勁記者質疑佢戰術，照唔畀面反擊鬧人，狠！差啲數漏潮州幫目光遠大，摩連奴都係，點會志在個爛鬼意盃。國米試陣，寧撐拉素。
藍鑽石
近5場往績：/
讓球主客和：拉素勝[+1]
心得：國米變動大信唔過