香港豬流感個案數字日日創新高，嚟自香港嘅世衞總幹事陳馮富珍可能食得雞多，自身有抗體，所以無懼豬瘟，近日佢低調返香港度暑假，前日同家人喺香港會食飯，咁啱得咁蹺，見到白鴿黨馬丁。忽然見到雞珍，馬丁話都幾意外。
據知雞珍放大假回港逗留幾個禮拜，佢長期喺日內瓦工作，冇時間見老公同家人，其實內心好內疚，不過為咗全地球人類健康，佢惟有犧牲小我。馬丁話雞珍今次來去匆匆，噚日就要離港開工。往年暑假馬丁早就外遊唞暑，今年仍然喺香港，因為17號要代表長毛出庭打新世界鄭家純單司法覆核案，馬丁話近日忙於鑽研資料，有信心surewin。打完呢單官司，馬丁9月會去法國度假，到花地瑪同聖母訴心聲。