新球季開始，唔少球隊都轉咗新波衫，通常季尾就掃平價舊款波衫，估唔到季初都可以買到減價嘅新波衫。
最近喺調景嶺一個商場，發現有間運動服裝店就將曼聯同些路迪主場新波衫減價發售，曼聯嘅就開價399蚊，而些路迪就更加減到339蚊，尤其係曼聯今季件V字型波衫，英超未開新球季就已經減咗差唔多100蚊，都幾吸引，同場亦有數款舊款減價波衫，有興趣嘅球迷不妨去睇睇。
日聯今周就進行明星賽，今年繼續由日聯明星隊對韓職明星隊，上屆就由韓職明星隊贏波，不過今屆兩隊人腳都唔算弱，筆者就覺得，日聯明星隊今次唔會再失威喇，一於博佢哋和波收場。
戰鬥員A
近5場往績：/
主客和：韓職明星隊和
心得：表演賽競爭意味細