譚真一，你未必識；但《殺人犯》的囝囝，相信最近無人不識。其實早於兩年前，當時4歲的他已出道，短短兩年拍了五套劇一齣電影，包括早前《ID精英》做郭晉安兒子，至話題作《殺人犯》更分飾兩重身份，內心戲不易拿揑。片場人人叫他一哥，問譚媽媽怕不怕兒子變得老積，譚太話真一拍完便會抽離角色變回小朋友，故一點都不擔心。
記者：林佩婷
攝影：陳盛臣
多得家燕姐
一哥由細到大都已經說話多好活潑，家住黃埔近新城電台，兩年前在家附近逛逛吓街碰到藝人，一哥開心得衝埋去大叫「家燕姐」，之後便被邀到家燕媽媽藝術中心上堂學表演，不久即被推薦試鏡《師奶股神》，飾梁靖琪之子，開始了拍戲生涯。單是今年，又拍了《富貴門》飾呂良偉及戚美珍之子，及《掌上明珠》飾宣萱之子。
蝕錢做阿四
密密食，譚媽媽話賺到的錢都存入銀行，留給他將來讀書用。至於譚太自己，更直言蝕突。「跟出跟入、食飯使費全部自己畀，而且佢得幾歲睇唔明對白，仲要幫佢記埋對白同舞步，應該我辛苦過佢。」好在阿媽讀稿一兩次，真一就記得，仲識自行變化演繹，大人都未必得。講到交戲，跟得阿媽只要一走開，就即場喊得出！
戲內戲外兩個人
雖然渾身是戲，但只要導演一喊Cut，就即刻變番自己，爛玩爛叫。即使在學校，都不過是個普通學生，「佢嚟緊先升小一，喺幼稚園啲同學仔都太細，佢根本一啲都唔突出。」所以譚媽媽也不怕他會變得老積和得戚。「片場人人錫佢，但佢絕唔會飄飄然，相反我教佢就算唔識嘅人都要打招呼先有禮貌。有時喺片場仲活動教學，見啲人講粗會教佢唔好，又好似有次羅嘉良食煙，囝囝識叫佢唔好食，搞到嘉良話唔好住佢！」
問到未來目標，小孩果然最坦白：「最想拍廣告賺多啲錢買樓，最好有泳池同大花園，將來同阿媽阿爸一齊住。」而跟得阿媽雖嘆無自由，但一哥閒時一句「唔使擔心我，將來我會照顧你」便冧盡譚太心。
齊齊學做小演員
家燕媽媽藝術中心有多樣化小朋友演藝課程，除可令他們增加自信外，亦會有推薦參加表現面試的機會，令子女發揮所長。
演員培訓班（小學組）
日期：9月27日開始（10堂）
時間：星期日10:30am-12:00nn
東南亞超級新星專業培訓班（歌唱班）
日期：9月5或6日開始（10堂）
時間：星期六/日12:00nn-2:00pm
查詢：23427782
