鄧健泓（Patrick）、陳敏之及張崇基等今日會演出舞台劇《柬約》，為柬埔寨的貧困兒童籌款。雖然只是演出兩場，但兩人早於上月已開始密集排練。綵排時Patrick不斷做筆記，敏之就頻頻請教同劇的演員徐善盈。
最忌發台瘟
Patrick接受訪問時說：「之前拍戲冇咗好多排戲時間，所以家要開turbo。跳舞最難啦，同埋平時唱歌好少會唱和音部份，所以都要請教張崇基，希望到時唔會發台瘟啦。」至於首次演舞台劇的敏之就擔心到失眠，她說：「今次要唱歌跳舞又要做戲，不過都好興奮，又好開心可以幫到人，一知道係為柬埔寨小朋友籌款就即刻應承。仲要係喺紅館演出，就更加開心。」
採訪、攝影：藍文浩