國內又再吹微調風，A股昨顯著下挫，中段雖大幅反彈，但係最後都要跌超過2%。
不過，港股噚日好神勇，冇理會A股嘅跌勢，好友係咁掃住兩大恒指成份股滙豐控股（005）同中國移動（941），結果恒指勁升404點，淡友又一次中伏。噚日尾市挾得咁犀利，今朝會唔會繼續挾，真係好難估。
中石化C輪15466：中國石油化工（386）昨收7.09元，升2%。石化股跌咗兩日，噚日尾市突然抽上，睇嚟可以延續之前嘅升勢，中石化短炒睇8.20元，可以諗吓隻C輪15466。
隻輪現價13.9仙，2009年11月23日到期，行使價5.988元，溢價4%，引伸波幅51.2%，有效槓桿3.9倍，正股升上8.20元，15466有機見23.2仙，升6成，如果正股跌穿6.70元，就沽咗隻輪止蝕。
俊樺