無綫總經理陳志雲曾表示因o靚模賣弄性感影響風氣，故下令嚴禁節目藝人過份賣弄性感，但言猶在耳，前晚一班年輕演員及美味天使宣傳無綫暑期劇集時，不約而同穿起低胸衫和男演員大玩水槍戰，衣衫盡濕酥胸半露。
無綫暑期新劇《南華夢飛翔》前晚在尖沙嘴某酒店泳池舉行派對宣傳，雖然早前總經理陳志雲下令禁止o靚模亮相和不准節目過份賣弄性感，但現場一眾年輕男女演員包括o靚模盧頌之（DaDa）和美味天使等似乎不理陳總指示，身穿沙灘裝進行水槍大戰。
DaDa唔認係o靚模
現場大部份女演員都穿上低胸裝內襯泳衣，當男演員揹起女演員玩水槍戰，眾女big波蕩漾，肉光四射，擺明有違陳總訓示。當晚緋聞男女DaDa和羅天宇同場，當大會叫羅天宇孭DaDa時，女方反應甚大說：「點解要佢孭我？」不過監製未有理會。
但事後DaDa卻聲稱不介意，她說：「冇所謂，只不過喺劇中佢做我哥哥，我仲諗住係劇中男朋友孭我啫。」對於何超儀在blog上斥o靚模是「雞」，DaDa表示：「我哋唔係o靚模，我哋係藝能模特兒，佢唔係話我哋。」
藍莓被爆整容
問到孭DaDa時是否很尷尬，羅天宇直言感覺有點怪，至於剛才揹DaDa有否胸壓感覺？羅天宇竟說沒有，記者笑稱若DaDa聞言必定很傷心，他即解釋：「因為我同佢保持距離。」
此外，有讀者報料指劉俐（藍莓）整容，並附上一張指是她早年的相片相比，比較下見她的鼻子似乎較以前更高，牙齒亦更整齊，現在的確比以前更省鏡。
採訪：楊潔雯 攝影：彭琮然