柯有綸近年跟周杰倫（Jay）學彈琴和結他，最近他推出第三張唱片《OneDay》，更打算進軍香港市場，早前曾來港宣傳的他說：「最初阿Jay未出第一隻碟，我喺錄音室做佢隻碟嘅製作助理。每次出碟前我都會畀佢聽吓啲歌，今次隻碟佢好滿意，佢真係我嘅師傅，今次佢仲幫我嘅歌拍MV。」由於亡父柯受良在圈中人緣甚佳，曾志偉和劉德華等均十分支持柯有綸。
養到屋企人
柯有綸一手包辦新碟的曲詞和監製，由於父親柯受良早年去世，他在每張唱片都有一首歌寫給父親，他說：「好遺憾佢冇聽過我嘅歌，以前寫畀佢嘅歌都係表達對佢嘅思念，今次首《不用擔心》，想話畀爹哋知我可以獨立，唔使擔心我。」
其實柯受良生前反對兒子未完成學業便搞音樂，但柯有綸在台灣甚吃香，柯受良應感安慰，他說：「雖然做音樂係難過以前，但都夠養到屋企人，一年可以喺台灣做50至60場校園騷。」
採訪：王連連
攝影：陳俊強