休戰兩個多月，見到足智彩本周末開盤盛況，就知歐洲4大聯賽陸續開鑼，本欄亦初次亮相，實牙實齒推介精選場次。今日重心，捧上屆荷甲盟主阿爾克馬爾淨勝波膽，當熱吓身好咯。
季初波馬一樣難捉
剛過去暑假，因屬單數年，冇世界盃冇歐洲國家盃，加埋now縮皮，連巴甲同美職直播都cut埋，所以特別顯得冷清；好在皇馬同曼城搞寸個party，不愁冇足球新聞做，但自己最大得着，反而係睇多好多非足球嘅國際頂級體育比賽。最難忘當然係溫布頓網球賽決賽，盧迪克喺4個多小時激戰，以近乎無懈可擊的表現，僅負球王費達拿，證明想喺王者身上偷雞真係唔易。
賭波也堅信獅子撲兔（往後續談），不過今天開8場盤，全屬季初波，對於我呢類希望努力睇直播、刨穩定數據及軍情、再選貼士者極不利，證如季初馬難賭一樣；信心不大下，推介波友買衞冕的荷甲盟主阿爾克馬爾波膽2:0、3:0波膽，兩注平均回報率有兩倍。
上次易帥首戰聯賽敗走荷華高斯，今次返主場遇鹿特丹斯巴達，後者上仗遇忙於踢歐聯外圍賽的川迪，主場都輸兩球；今次想作客偷雞，更難。除非阿爾克馬爾今屆真係大走樣嘞！
（下次見報日：周六）
簡介：不理盤路，不信陰謀論，最重勤力睇波，跟足軍情，吼準一擊。
Leung
今日精選
星期五7阿爾克馬爾勝[-1]（1.55）
星期五7阿爾克馬爾勝2:0（6）、3:0（6.5）
簡評：衞冕隊首仗大熱倒灶，但今返主場對「鹿腩」，追多一次