做慣主持的陳啟泰和黃宇詩首度合作演出音樂劇《仙樂飄飄處處聞》，兩人大開金口，黃宇詩坦言壓力大，還謂希望爸爸黃霑報夢，教她怎樣做好角色。
家喻戶曉的音樂劇《仙樂飄飄處處聞》上演過無數次，然而由香港藝人主演應該是第一次，高志森今次找來陳啟泰飾演退役海軍上校特拉普，黃宇詩則飾演瑪麗亞。
陳啟泰似上校
陳啟泰日前說：「其實係我有次見到焦媛，話大家有機會合作，之後高生就打畀我，我即刻問佢搵我做乜嘢角色，佢話：『梗係做上校喇。』」陳啟泰續說：「我中一時睇《仙樂飄飄處處聞》，好記得嗰個同大女拍拖嘅男仔，所以第一時間諗住呢個角色，但原來我比個角色大一倍，已經到中坑喇。」
黃宇詩則認為上校角色非陳啟泰莫屬，她說：「佢個樣好似上校，好有威嚴，最初排練時，最細嗰兩個小朋友都好驚佢。」其實黃宇詩之前演出過舞台劇《君子馬蘭奴對迷魂鎖李雲》，但第二套音樂劇已經要擔大旗，壓力可真不小，她說：「我開始瞓唔着，希望到時Daddy報夢畀我，教我點做。」
採訪：楊潔雯 攝影：林德雄
場地提供：cheeZemusic