台灣人氣組合棒棒堂有首新歌《綜藝咖》，原來呢首歌曾經引起爭歌小風波，因為日本木村拓哉所屬嘅SMAP，咁啱都想用呢首歌，不過後來畀棒棒堂爭贏咗，搞到佢哋鬼咁興奮。之前佢哋拍MV，由小煜同威廉反串扮女裝，仲要戴埋胸圍，絲襪同高踭鞋，美女上身嘅小煜展示迷人丹鳳眼，真係笑死隔籬，威廉就話:「原來女生穿胸罩這麼熱，真辛苦!」