一向敢言的杜琪峯前晚出席新戲活動時又語出驚人，席間他大讚新戲男主角「法國貓王」JohnnyHallyday，指他完全沒有大明星架子，相反不少香港演員卻排場十足兼氣燄逼人，雖然阿杜未有指名道姓，但問他那個香港明星最易相處時，他說：「星仔都好nice，劉德華有時都唔nice喎。」
杜琪峯執導的電影《復仇》成為今屆「夏日國際電影節」的開幕電影，前晚阿杜率領片中演員包括黃秋生、任達華和葉璇到圓方宣傳，林雪、林家棟和邵美琪等也有到場，不過有份演出的「法國貓王」JohnnyHallyday卻未有來港。
當司儀在台上問到阿杜和Johnny合作有甚麼感想？他即大讚說：「我未正式拍過西片，今次同佢合作得好開心，佢完全冇乜『嘰趷』，唔似香港啲天王巨星。」在旁的秋生聞言抵死地說：「我以為你話我，不過你話係天王巨星，我唔係，所以好放心。」家棟即笑指秋生有天王巨星特質，卻沒有天王巨星的風範。
讚Johnny抵得諗
事後追問阿杜誰是他口中的天王巨星，他即詐儍扮懵說：「我都唔知自己講咗啲乜。」他隨即又大讚Johnny容忍度很高，又謂當日到康城時才知道Johnny的受歡迎程度，今年才舉行的演唱會，門票早於06年售罄，更有fans瘋狂追車。
阿杜指Johnny平易近人：「畀張爛凳佢坐，有咖啡飲同有粉麪就OK，唔似香港明星要帶好多助手，佢一個人嚟香港就OK。」問到誰最多助手？阿杜沒有正面回答，笑稱自己最多助手。至於眾演員中誰最nice？阿杜笑說：「一時時，星仔（指周星馳）都好nice，劉德華有時都唔nice喎。」問到周潤發，阿杜說：「點會有人反對佢，佢一定係好好。」他又表示希望再有機會和周潤發合作。
採訪：張俊銘 攝影：陳順禎
