金融海嘯搞到全球體壇嘅班主、贊助商都要慳住使，足球、NBA及F1一早就要縮減開支不在話下，呢股風潮亦吹到高爾夫球界。繼周二贊助商Buick發表聲明話下年唔會再贊助PGA球賽後，號稱高爾夫球巡迴賽最高獎金、喺今年11月19至22號舉行嘅杜拜高爾夫球錦標賽（圖），主要贊助商Leisurecorp周三亦都話因經濟不景氣，將原來1,000萬美元嘅冠軍獎金，縮減至750萬美元，減幅達25%，呢次縮減都令球手「賺」少幾多喎！之不過36歲嘅英國球手韋斯活特就話呢個艱難時刻，仲可以有咁嘅獎金，都算飲得杯落。我求大俠都好贊同韋斯活特嘅講法，球手想賺多啲就要贏多幾次，袋多幾次冠軍獎金咪得囉！