當今球王離不開西甲兩大巨星美斯同基斯坦奴朗拿度（C朗），C朗成為全球最高身價球員紀錄保持者，但最近巴塞隆拿打算同美斯續長約，屆時如有球會想收購呢位阿根廷巨星，轉會費肯定破晒世界紀錄。我求大俠八到美斯份新合約，其年薪會由850萬歐元加至1,000萬歐元（約1.1億港元），會取代今夏加盟巴塞隆拿嘅伊巴謙莫域，成為球會最高薪一人。美斯果然係天才，自04年開始幫A隊上陣以嚟，如果計埋今次，經已係佢第5次加人工，22歲仔真羨慕死人囉。聽講美斯新合約中其贖身價，更由1.3億歐元加到2.6億歐元，驚曼城呢啲有錢球會買斷喎！