台灣新聞人物、衞生署署長葉金川近日嚟咗香港，參加由亞太台商聯合總會舉辦嘅第五屆台港論壇，仲率領台大及桃園醫院院長一齊參觀港大醫學院同瑪麗醫院。
葉金川日前辭官角逐花蓮縣長，噚日係做官任期最後一日，綠營批評佢突然辭職，放下抗豬流感重任，係重政治輕民生，為反駁批評，因此葉金川投入選戰前都堅持如期來港。佢噚日話港、台面對類似醫療問題，如人口老化、傳染病、全民健康保障及電子病歷等，希望兩地日後更多交流同合作機會。
醫管局主席胡定旭都話兩地喺科研、疫苗研發同醫療服務產業化方面大把發展機會，不過暫時冇乜具體計劃，後會亦無期。八方建議香港醫學界人士應苦學國語，否則繼續雞同鴨講，好難傾得埋欄。