【本報訊】颱風掠過本港的那一夜，正生書院的會考生大部份聚在那偏僻小島，在水滴漣漣的校舍裏為會考成績着急，期盼有朝一日可重投對岸的主流社會。一覺醒來，緊握手上的成績單，不論分數如何，他們均以行動證明：「以前做衰人，但家可以光明正大做人﹗」雨過天青，這一切不再是個夢。記者：陳渭茵、朱曉峯、黃德藍
正生書院11名考生中獲最佳成績、7科共8分的歐陽沛林（20歲），因趕着上班而於中環碼頭等候陳兆焯校長派發成績單。沛林雙手一直抓緊背囊，半掩嘴唇，反覆表示很緊張：「噚日打風好驚，真係等唔切，今朝5點幾就起咗身。」他得悉7科全部及格，最有信心的中史更獲D級，致電母親報喜訊時更激動落淚：「媽咪我得咗喇，做到自己想做嘅嘢﹗」
做好自己報答外婆
沛林憶述中四的日子最為艱難，很多同學都想離校放棄會考，但因陳校長的一句「諗一諗，諗清楚」令他戰鬥到底。他回憶應考英文聆聽試時，完全沒法理解考卷的英文生字，沮喪間仍叫自己「唔好停手，唔好趴低瞓」，他說：「冇走到係選擇啱，我呢一世都唔會忘記嗰一刻。」
沛林自小與父母疏離，由外婆照顧，8歲起與朋友流連街上，因偷竊而接受兩次感化，忽覺浪費時日而入讀正生。如今外婆離世，他希望能盡力做好自己作為回報。現階段沛林受聘於信興集團任電器維修技工，他認為「讀書可以讀一世」，故選擇專注於首份工作，深信將來仍有機會上大學。他感激正生書院的教導：「冇正生書院，冇今日嘅歐陽沛林。」
19歲的陸博泉亦考獲6分，會計科更獲C級，他曾經留級讀了三年中一，一直覺得「會考同我距離好遠」。如今幻想中的片段一一實現，他高呼「人係有希望，唔會以前係點家就係點！」想起四年前，他的生活只有吸毒和取貨，一學年曠課百多日：「折墮過知後悔，以前做衰人，家可以有選擇，可以光明正大做人。」
面對挫折學懂堅持
陸博泉指不甘心再做昔日的自己，推動他盡力考好會考，期望可有主流學校收讀，次選為重讀中五或毅進課程。他又興奮地表示，數天後有機會到海皇粥店工作，希望可逐漸融入社會。
容子健和曾惠娥雖然只得0分，但都表示「能經歷會考已經好開心」。30歲的曾惠娥吸毒多年，致出現幻聽，關節又有問題，一日要吃十多粒藥，難以集中精神學習，「要企喺度上堂等自己唔好瞓」。她希望已故的母親能知道她完成會考：「媽咪想我似番個人，以前我會吸毒去逃避，家面對挫敗我只會堅持。」
看到學生完成一項艱難的任務，校長陳兆焯說：「學生由冇變有、冇機會變有機會，係做咗件奇事。」他猶如爸爸見證子女懷胎十月一樣：「學生拎到成績單，好似生BB，唔會理佢靚唔靚仔，努力過考到幾多分都唔重要。」
勇於面對
特稿：教師努力助學生突破標籤
面對父母離異、曾偷竊吸毒的學生，正生書院的教師都要費盡心思，才能教好這班中文基礎可能只得小學程度的年輕人。自言「教書唔容易」的中文科教師呂Sir說：「（學生）好多錯別字，吸收唔多，今日學完，聽日就唔記得晒。」
為了教好這班學生，呂Sir絞盡腦汁，批改作文要極為細緻，付上整篇評語，上堂又要千方百計博得學生一醒：「播《最緊要正字》，希望佢哋唔好瞓覺。」他認為學生完成會考，令他們可以「用自己力量去突破標籤，同出面嘅人一樣決定將來點行。」
由低學起
數學考獲D級的陸博泉感激老師悉心教導，鼓勵他們由低學起，例如英文生字要先學生果，及多做額外練習，「10頁數學方程式我做咗兩個月。」
校長陳兆焯笑說，正生學生每每能夠在會考的口試中取得佳績，相反聆聽試的表現則明顯遜色：「呢班都係多嘴嘅學生，鍾意自己講嘢多過聽人講。」本報記者