球員生涯短暫，不少球員趁尚有一定叫座力，「搵得幾多得幾多」；法甲罰球王祖連奴比南布肯奴（P祖）今季就提早一年與里昂結束賓主關係，到卡塔爾掘金，效力阿爾加拉法，獲得年薪高達250萬歐元的兩年合約。
韋托特未有着落
34歲的P祖在中東搵多兩年錢，相信可回巴西祖家嘆世界；不過並不是每人都如P祖般好運，前阿仙奴前鋒韋托特，上季已因紀律問題被雷恩外借至馬賽，今季更被解約；35歲的韋托特雖然有傳加盟美職、阿聯酋等球隊，但現時仍然冇班落，隨時索性退休。
不過今季亦有老將回流法甲；前國家隊門將哥柏，在西甲馬德里體育會發展不如意，今季回國效力聖日耳門，與古利、馬基列尼等老將合作；而西班牙33歲前鋒摩連迪斯，亦免費從華倫西亞加盟馬賽，並獲教練迪甘斯肯定。