《變形金剛》女主角美瑾霍絲（MeganFox）熱爆全球，唔知係咪叫得「Megan」嘅都係索女，上月尾贏咗今年美國佛州小姐后冠嘅美女都係叫「Megan」。
我求大俠發現原來呢位25歲冠軍人馬，就係效力咗奧蘭多魔術5年嘅啦啦隊隊長美瑾姬雯迪（MeganClementi），擁有完美體態嘅美瑾舞技非凡之外，亦係佛羅里達大學電子工程系嘅高材生，真係稱得上美貌與智慧並重！我求大俠最感動嘅係佢不屈嘅精神，皆因佢為咗成為佛州自1967年後首位「美國小姐」，05年起已參選過佛州小姐5次，屢敗屢戰下，今年終於一償心願，可以參加明年4月嘅美國小姐競選，我求大俠祝願佢奪冠而回！