葉偉信執導，甄子丹主演嘅《葉問2》就快開工，除咗原班人馬外，原來黃曉明（圖）都會參與演出，喺片中飾演葉問嘅大弟子、江湖人稱「講手王」嘅黃淳樑，不過喺今次套戲中，黃曉明就會化名叫黃進。戲中黃進係葉問咁多個弟子當中最鍾意同人比武嘅，黃曉明今次做得甄子丹個徒弟，想唔打餐飽都唔得啦。