大紅人C朗離開英國，大把球星都爭住買佢以前喺柴郡住開嗰間風水豪宅，好似幾位曼城新丁高路托尼、巴利、泰維斯咁，開到聲話好有興趣買起呢間有7大間睡房、室內泳池、gym房同電影院等設備嘅大屋。不過佢哋通通都唔夠艾迪巴約（圖左）爭，冇計啦，呢位多哥射手出到550萬鎊（約7,200萬港元），賬面計勁賺165萬鎊嘅C朗梗係即放啦。講番另一筆先，C朗近3場友誼賽加埋俾人鏟咗34次！嘩，C朗成8,000萬鎊身價o架，萬一佢俾人鏟傷咗唔出得，皇馬咪渣都冇得淨？所以皇馬即刻幫C朗雙腳買重保險，價值高達9,000萬鎊，係史上最貴；咁安全，就算C朗家傷咗都唔使驚啦。