老牌英文報章《南華早報》早前推出節流新措施，員工本地交通費上限每月500蚊，八方近日聽聞又有慳錢新猷，就係向酬酢費用埋手。
《南早》舊時比較疏爽，記者平時同人食餐飯打交道，計人頭每位上限250蚊，最近將上限調高至300蚊位，唔好以為可以食豪啲，事關新設每月上限1,000蚊。照咁計，如果唔貼錢，隨時食唔到兩餐飯。有行家話理解公司需要節流，但應該公道啲，事關廣告部同事每月應酬費好似有2,000蚊，雖則話廣告部係搵錢部門，不過如果冇記者攞料、收料，又點有新聞出報紙呢？據知新老總蔡翔祁（ReginaldChua）今日首次開員工大會，八方聽聞有員工會要求佢向公司爭取合理權益。