周啟邦夫婦的獨子周國豐（Brandon），繼5月取得大律師資格後，又有好消息，他定於下月8日與拍拖6年的女友黃泳霖（Jenny）拉埋天窗，日間進行簡單註冊儀式，晚上於半島酒店作西式晚宴，宴請100位至親好友見證。
昨日在電話中問Brandon婚後會否立即造人，他說：「唔會，順其自然，不過都希望30歲前就好理想，易啲溝通。」
準新抱持家有道
Brandon透露與未婚妻經歷不少，他說：「6年時間，經歷高高低低，有開心，有唔開心，大家都冇諗過放棄，大家表面以為我好幸福，某程度都有困難，Jenny壓力都唔細，冇乜女仔做到咁，佢好真誠，持家有道。」問到婚後，Jenny會否做全職家庭主婦，他表示：「佢會休息一段時間，之後先至做番嘢。」
採訪：LawWaiMan