元祖級o靚模Angelababy（楊穎）為寫真祝捷後，昨日帶病上陣到海港城，以主角身份為其電視廣告作首播，同場為過百粉絲簽名，人氣繼續「升呢」。對於周秀娜為首的o靚模人形攬枕惹來不少風雨，自封潮模的Baby也醒目地表示路線不同，絕不考慮，誓與o靚模劃清界線。
元祖級o靚模Angelababy昨日以主角身份現身海港城，為其電視廣告首播造勢，同場更與身高拋離她一大截的Style同門師姐、師妹包括陳碧舸和汪圓圓等行騷，Baby身高168cm雖然輸蝕，但有過百fans到場助興，Baby更冧fans補簽早前推出的寫真，認真乖巧。
「每人唔同路」
人氣「升呢」的Baby昨日帶病上陣，她說：「啱啱有感冒同咳，諗起8月份冇假放就down，之後仲要去北京拍一部愛情電影。」問她對於近日以周秀娜為首的人形攬枕惹來不少風雨，她即說：「唔會啦，自己都唔想做。」問是否男友陳偉霆不喜歡，她說：「唔係，每個人有唔同路線。」
「個名係人畀」
至於何超儀日前在blog以雞來形容o靚模，她說：「佢應該唔係講我，我都唔係性感，有時唔關o靚模事，係傳媒放得太大，希望風氣好啲。」
再問Baby是否想與其他o靚模劃清界線，她說：「個名係人畀，自己一路做好自己工作。」對於網上不少攻擊o靚模的聲音，她說：「冇乜感覺，自己出嚟唔會令大家反感。」
採訪：LawWaiMan
攝影：DickyChan
